உன்னை சார்ந்த காதல்

தோல்வியில் தான்
கவிதை வருமென்றால்
எனக்கு கவிதையே வேண்டாம்.

இப்போதும் கூட பாரேன்
எனக்கு காதல் வேண்டாமென
சொல்ல முடியவில்லை.

ஏனெனில்
காதல் உன் சார்ந்த
விஷயமாகி போனது.

வேலன்

எந்த மொழி

தமிழை காதலிக்கலாம்
ஆனால்
தமிழே என் காதலியை
இருக்க..
எந்த மொழியில் நான்
என் காதல் சொல்ல.

வேலன்.

ஈரம்

முத்தமிட்ட ஈரம் காயுமுன்
ரத்தக் குழல்
கருக வைத்தது
உன் காதலாய் தான்
இருக்கும்.

காதலிக்கத் தான்

உன்னை பார்க்கும் போதெல்லாம்
தோன்றும் எண்ணம்...

"என் பிறப்பே
உன்னை காதலிக்க தானோ"

வேலன்.

தமிழ் கற்றுக் கொள்கிறேன்

தமிழ் கற்று கொள்கிறேன்...
அரைகுறையாய்
அது ஒன்று தான் தெரியும்.

அதை வைத்தாவது
உன்னைக் கவர முடியுமா
என்றொரு

நப்பாசை.


வேலன்

முடியா கவிதை

இங்கு தான் இருக்கிறேன்
என் இதயம் மட்டும்
ஏதோ ஓர் ஏகாந்த வெளியில்...



உன்னோடு தான் என்று
சொன்னால் தான்
இந்த கவிதை முடியுமா.

காதலிக்கலாம் வா.

போதுமடி நான்
கவிதை எழுதி கிழித்தது
காதலிக்கலாம் வா.